منتديات أحمد حواس التجارية

وللحجز والاستفسار 0504157195-0531202222
كل عام وانتم بخير- بمناسبة العطلات المدرسية تقدم منتجعات ديلم السياحيةخصم %50 بجميع المواقع غرفة مزدوجه 200 ريال -فله 3غرف +بيت شعر 650 ريال للحجز والاستعلام 0531202222

    قصة سندريلا 2011

    شاطر
    avatar
    نور القرآن
    عضو برونزي
    عضو برونزي

    عدد المساهمات : 71
    نقاط : 176
    تاريخ التسجيل : 21/04/2010

    قصة سندريلا 2011

    مُساهمة من طرف نور القرآن في الثلاثاء يناير 11, 2011 9:26 am

    قصة سندريلا 2011

    تدخل مرات الاب على سيندريلا في الدولاب الي بتنام فيه

    مرات الاب : بنت يا سندريلا اصحى يا بنت جاك خابط فى نفوخك

    سندريلا : اييييه يا مرات ابويا خمسه اخطف حلم سريع بس وحقوم

    مرات الاب: قومى يا بنت قامت قيامتـك

    وصحيت سندريلا وهى بتأفأف

    مرات الاب : يـاله قومى اكنسـى وامسحى على ما نيجى

    سندريلا : وانتو رايحين فين ومتزوقين كده وكل واحده عامله نيو لوك روش

    مرات الاب : رايحين حفله الامييير اللى هيختار واحده عشان يتجوزهـا

    سندريلا :
    خدونى معاكو انا عاوزه اروح بليز بليييييييز

    مرات الاب : ايه بليز دى كتك القرف وتروحى فين يا ختي بلبسك المهرول ده انا عايزه ارجع الاقى البيت بيبرق من نضافته

    ومشيت مرات الاب وبناتهاالخمسة وقعدت سندريلا تعيـط وتوأوأ
    وفجــأه طلعتلها الســاحره من البوتاجاز

    الساحره : مالك يا سندريلا

    سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع

    الساحره : ولا يهمك

    وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل

    فرحت سندريلا ولبست وحطت الايشادو و الجليتور ورشت البرفان


    بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........

    انا صعيديه ودمى حامى ومعنديش بنات تتأخر


    و لو اتأخرتى هترجعى زى ما كنتى بلبسك القديم وسط الناس يامعفنة انتى بت بيئة صح


    سندريلا : حاضر حاضر اما ساحره زبالة صحيح


    سندريلا من البيت لقت الساحره مجهزة عربية هوندا ركبت سندريلا وراحت ع القصـر
    ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت


    نظرات ... همسات .... صمــت ........ حــــب


    ترررررررررن ترررررررررررن


    سندريلا : ده الساحره بتدينى ميسد كول .. يا خبر الساعه 12

    وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير
    المعجب و نده للوزير

    الامير : يا وزيرهيثـــــم

    الوزير : امرك مولاى

    الامير : خد الجزمه دى اسحبلى صورتها اسكانر

    و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام
    واكتب الى صاحبه هذه الجزمه التوجه للقصـر الملكــى فوراااااااااا

    بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )


    وبعد كده شاهدت سندريلا الاعلان عن فرده الجزمه على ام بى سى تو
    مع انه معملش اعلان خالص على القناة دى


    وقامت بالتوجه الى القصر وتزوجت هى والامير
    وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى
    avatar
    madoo
    عضو ماسي
    عضو ماسي

    عدد المساهمات : 229
    نقاط : 514
    تاريخ التسجيل : 21/04/2010
    العمر : 43

    رد: قصة سندريلا 2011

    مُساهمة من طرف madoo في الثلاثاء يناير 11, 2011 4:04 pm

    أضحك الله سنك

    شكرا لك


    _________________
    بك أستجير ومن يجير سـواك ''''فأجر ضعيفـاً يحتمي بحماكا

    يـــــــــــــــــــــــــــــــــــــارب

      الوقت/التاريخ الآن هو الثلاثاء نوفمبر 20, 2018 5:18 pm